剛入秋冇耐 今日又好似已經係春天來啦 一早仲雨粉粉咁 朝早約左粉絲 係大埔火車站起步 經山塘行下條靚靚石級 接去四色林徑 再沿車路駁麥徑上草山 今日濕度高 開始行已經成身汗 去到車路仲好密雨添 好彩過左一陣就停雨 去到麥徑 已經見到 trail walk 個指示 仲遇到好多人 practising 佢地行得好快 好有氣紛 :) 上到頂影左一輪 跟手沿車路落向針山 再轉入沙田徑 經黃竹洋落火炭 飲飽下午茶先至收工 :) 點擊去第二…

天文台話今日過後會翻風 趁仲係好天一於約埋粉絲行下大帽山 我地荃錦坳起步 先行一行 新麥徑八段 影影下 好快就上到閘口 今日好多人 見到成隊 CAS 又見到有人定位安排玩 org 係閘口轉落施樂園 再接去舊軍路 可能係方向問題呢段好曬 跟手轉山路經响石墳場落川龍飲茶 半場先來腐敗腐敗 下半場 行返入橫龍 經車路去龍門郊遊徑 行行下就去到引水道 出到小巴站 見到人山人海 最後索性行左落城門谷先至收工 :) 點擊去第二版睇相

今日係重九 一早約定家人 去大南山登高 感受下深圳人過節既氣氛 一早出發去深圳灣 過關後巴士唔夠位 我地見有時間 同埋都唔係遠 再加上個天涼涼地 唔係好曬 決定行過去花園城中心飲茶 今日深圳唔係假期 茶樓平日既優惠照舊 食左好多點心 食飽飽 行去海關登山口 點知今日好大陣仗 個山封左 剩係准許單向行山 我地要行去別墅登山口先至上到山 終於十一點幾先至開始上山 就咁... ... 一個充滿中國特色[人多]既重九登高開始啦 為左管制人流…

今日涼涼地 最岩行山 前排見網友傘兄行過金山 呢段路冇行十幾廿年 今朝可以行開 即刻行下 石梨坑上金山頂 往日個 feel 有d似上青山 今日去到 條路已經 俾d有心人執靚左 唔覺唔覺已經上左去 話咁快又落返下面 :) 點擊去第二版睇相

中秋過後 天氣有少少涼 今日試下行一行山脊 一早約埋粉絲 順利起步 由一號行高危上飛鵝南脊 今日吹北風 上南脊得少少風 熱熱地 好在上到自殺崖多d風 再順方向行埋象山東山 去到飛鵝山道 轉衛徑落去獅子亭 坐一陣 食碗豆花 然後落作壆坑 食個下午飯 先至收工 :)點擊去第二版睇相