呢個週日係父親節 襯住呢個日子 20 21 兩日我地同老人家去左開平行下 20 號一早坐直巴去開平 不過幾經轉折 去到開平都已經係 十二點半有多 呢排作打風 個天又熱又焗 好彩卜左間酒店係車站隔離 一出車站 一家人拿拿淋行去酒店 放低行李 頂住個太陽即刻出發 呢個行程 媽打有命 要一切從簡 先行去河邊食晏晝飯 跟住照網上既資料 坐 4 號車去赤坎 呢到真係好有古老市集既feel 同早前去既 汀江墟好似 當然赤坎就活化左 真係一個小市集來 雖然赤坎係一個旅遊點 不過 d 人都 ok 唔似其他地方咁剩係向前看 行左影左一大輪 跟手再轉返 4 號 去三門里 襯仲有陽光 搵路去加拿大村 去到三門里 照網上指引 係牌樓對面搵路 發覺係一大片稻田 行唔到過去 唯有向開平方向行 見到有路口就行入去 問一問鄉里 原來路口反而係再之前果個 不過呢到就對正加拿大村 佢仲話小心d可以行田基過去 就係咁我地就行左埋去啦 一去到村口 就見到一個伯伯同兩隻狗係到等我地 原來呢位就係網上介紹既關伯伯 呢條村就係佢係到看守住 佢熱情好客 一路帶我地行入村 仲開埋最高既四豪樓 俾我地上去參觀 老人家同佢非常好傾 大家一齊照相 一齊行上樓向下望 今日雖然好熱 不過望得好遠 四面d田都好正 落左樓 關伯仲帶我地去住個間俊廬參觀 真係賓至如歸 最後大家都依依不捨同關伯伯 byebye 我地沿大路出返公路 再行去三門里牌樓 呢到就係開平最古老既迎龍樓所在地 影左一餐 我地就坐車返酒店 沖個涼 先至食晚飯同行夜街... ... 第二朝一早起身 七點出門 先係開平食個地道既早餐 跟手就上左 13 號車 凳左一輪 去到錦江里村口 一早唔曬 沿指示牌行靚靚田基路入去瑞石樓 呢條路好正 有好靚既田 仲有小橋流水 老老嫩嫩好舒暢咁 輕鬆行入去錦江里 瑞石樓係開平最高最正既碉樓 就連好多酒店食肆都用佢來做招牌 去到瑞石樓 見到黃叔叔 佢見我地一早入到來 仲係有老有嫩 所以好開心 佢只係收我地十蚊一個 就帶我地入去參觀 仲一路介紹瑞石樓既歷史同埋典故 我地當然又係大影特影 係呢到參觀左好耐 最後沿田基出返公路 坐 13 號返開平 食埋晏晝先至坐直巴返香港 :) p.s. 可能我地刻意唔去d旅遊點 成個旅程覺得開平d人好友善 我地去幾條村 d 村民都好 nice 好 fd'ly =3= | 
