| | 上次行 小南山 唔覺意係酒店見到有份小冊子 介紹南山景點 裡面提到有座好易行既[塘朗山] 今日約埋粉絲 趁好天去行一行 一早入元朗飲茶 然後坐車去褔田 出關再轉26號巴士 因為網上指示唔清楚 落早左一個站 [原來要去到總站桃源村] 好在好快行到桃源村 搞掂糧水 跟手就向山腳己經望到既牌樓行 一過左牌樓就見到石樓梯級 上面仲有舊石刻住[荔雲登山道] 呢條山路真係唔同香港 沿路都係荔枝 好容易就可以摘到 不過沿路都有告示提醒唔好摘 好在行行下有人係路邊擺檔 我地買左一斤 過下口癮 佢地仲俾我地即摘即食 都幾好玩 今日估唔到冇雨 仲好曬 我地食食下荔枝 沿石級行上半山 一路唔係好覺曬 不過就好大汗 過左車路口 好快就行入林 呢到開始比較斜 再上一陣就到左山上車路 盡頭就係茶香徑入口 再上石級就到左山頂 今日太晏起步 同埋好焗 唔可以行得快 我地估計 行唔到去梅林 所以影左一輪 吹左一陣風 就沿路落山 跟手去桃源村 老鄉村食湘菜 FB FB 先至收工 :) |
| | Posted 6/13/2009 9:51 PM - 157 Views - 0 eProps - 0 comments
- recommend
  - recs0
- share
- email
 - sent0
|
