| | 探左幾次路 今日終於成團 揀左一條唔係咁跣既路 去行一行 探一探 青大石澗加部份青山腹地 一早入到元朗 先來一個靚粥早餐 跟手會合各粉絲 浩浩蕩蕩騎33綠灣向下白泥進發 ... ... 話咁快就去到下白泥尾站 同司機大佬講聲唔該 跟手就沿村路向大水坑前進 邊行邊講 好快就到左水邊 無耐就到左大水坑下游 唔知係唔係有工程 水位高左 唯有轉入岸邊小徑 上高d先至入返澗 再踏沙路 行左無耐 粉絲就搵到豬籠草 當然係大影一餐 去到堤壩同個間白屋小休 [其實係靶場 stop butt 同 covering fire 個 target] 粉絲搵到好多唔同種類既彈頭 [7.62 5.56 9] 影左一輪 因為係唔可以藏有 所以清走左佢地之後 先至繼續上路 沿澗行好快就到左臥龍潭 係呢到個涼亭 大家食野大休 影呀影 ... ... 再上路 左轉入青大向前正式向四疊潭出發 原本計劃 如果有險位就行小徑 避免攀爬 點知粉絲們一鼓作氣 就爬左上第三個最深既水潭 呢到個潭真係正 係呢到 有粉絲竟然取出喜力 令大家喜出望外 飲左大力水 再沿左面上攀 去到崖頂 回望石澗 又真係好有氣勢 跟手 ko 埋最後果個崖位 之後條澗唔斜 好快就到左五渡水 去到五渡水 跟住轉行小徑上山 同粉絲們探一探月牙谷 係谷裡面影左一輪 沿路返五度水 最後沿小路上良田坳 再轉入軍車路落良景食晚飯 大吃大喝 盡慶而返 :) |
| | Posted 2/14/2009 12:09 AM - 432 Views - 0 eProps - 0 comments
- recommend
  - recs0
- share
- email
 - sent0
|
