| | 初一晏晝開始 天色變得更加暗 更加凍 今朝凍到隻手赤赤痛 見到個山 陰陰暗暗 半山已經灰濛濛 決定輕輕鬆鬆行一行就算 出門口上車 話咁快去到屯門 慢慢行過去楊小坑 經山景去良田 去到都已經 十二點 買個飯盒 行軍路上去 菠蘿亭 開餐 食飽飽 先至上去 天氣凍 沿路d植物都係啡啡黃黃 加上冇乜人行 仲耐唔耐有d雨粉添 好有冬天既feel 行到良田坳 轉落廢爛軍路 更加係靜英英 經過好多雨水沖蝕既深坑 直落到青大石澗中段 接牛頭坑個位 入左澗 開揚好多 人都輕鬆左 慢慢落去 青大同大冷溪交界 水量大左 條澗更加闊 青大既特色係 沿澗都有好多沙 見到好多唔同既腳印同呔痕 無耐就到左 臥龍潭 影左一輪相 再沿澗落去下游 去到英軍起既水閘 當年呢到係 field firing range 見到好多好多子彈窿 過左水閘 條澗又闊又直 不過成條澗都係沙 都唔知係唔係天然既 印象中舊時條澗好似唔係咁樣喎 去到尾 上左橋 再轉上稔灣路 沿路轉返上去良田坳既舊軍車路 行呀行 經過車路個斷崖 條路又窄左 似乎就來 lum 埋 上到良田坳 都係得小貓三四隻 快快步沿路落山收工 :) |
| | Posted 1/27/2009 6:12 PM - 383 Views - 0 eProps - 0 comments
- recommend
  - recs0
- share
- email
 - sent0
|
